ამის შესახებ ატომური ენერგიის საერთაშორისო სააგენტოს ხელმძღვანელი, რაფაელ გროსი ტვიტერზე წერს.

რატომ არის მნიშვნელოვანი: ევროპაში ყველაზე დიდ ატომურ ელექტროსადგურს მარტის დასაწყისიდან ოკუპანტები აკონტროლებენ, ობიექტი არაერთხელ დაიბომბა, რაც გაჟონვის საფრთხეს ზრდიდა.

  • ელექტროსადგურის მისამართით სროლა აგვისტოდან გრძელდება. რუსეთი და უკრაინა ცეცხლის გახსნაში ერთმანეთს ადანაშაულებენ

დეტალები: "ჩვენი გუნდი ადასტურებს, რომ ელექტროგადამცემი ხაზი აღდგენილია და ხელახლა არის დაკავშირებული ქსელთან — დროებითი შვება ჯერ კიდევ გაუსაძლის მდგომარეობაში. ახლა საჭიროა დამცავი ზონა", — წერს ატომური ენერგიის საერთაშორისო სააგენტოს ხელმძღვანელი.

  • 8 ოქტომბერს გროსი ამბობდა, რომ ზაპოროჟიეს ატომური ელექტროსადგურის ერთადერთი გარე წყარო მწყობრიდან გამოვიდა, რაც დიდი საფრთხეა.

ზაპოროჟიეს ატომურ ელექტროსადგურის რუსეთის მმართველობაში გადაცემის შესახებ ვლადიმერ პუტინმა განკარგულება 6 ოქტომბერს გამოსცა.

  • ზაპოროჟიეს სადგური კომპანია ენერგოდარის ნაწილია, პუტინის განკარგულებით, კი როსატომის სახელმწიფო კორპორაციის შემადგენლობაში "გადადის".
  • უკრაინის საგარეო საქმეთა სამინისტრომ დაგმო პუტინის მცდელობა, კონტროლი დაამყაროს ბირთვულ სადგურზე და მას დანაშაული უწოდა, რომელიც ბირთვული უსაფრთხოების სფეროში რისკებსა და საფრთხეებს კიდევ უფრო ზრდის.