გადაცემა "ბავშვების დრო" აცხადებს, რომ ბავშვის ის ვიდეო, სადაც არასრულწლოვანის კადრები ჩანს, ეთერში გასვლამდე გადაცემიდან ამოიჭრება.

"დედის თხოვნით და ჩვენი გადაცემის ჯგუფის გადაწყვეტილებით, ბავშვის ფოტო,რომელიც გუშინ დაიდო და ვიდეო სადაც ბავშვის კადრები ჩანს (ყოველგვარი ინტიმური სცენების გარეშე) გადაცემიდან ამოიჭრება და გადაცემა ისე გავრცელდება...კიდევ ერთხელ, ძალიან ვწუხვართ მომხდარი გაუგებრობის გამო" - წერია გადაცემის ფეისბუკ გვერდზე.

გადაცემა "ბავშვების დროს" მიერ 24 მაისს გავრცელებულ ანონსში ჩანდა, რომ გადაცემა ეხება არასრულწლოვანის ბავშვის შესაძლო მასტურბაციას, რომელიც ბავშვის დედამ გადაიღო და ეს ვიდეო გადაცემის წარმომადგენლებს გადასცა.

გადაცემა გამოქვეყნებული იყო იუთუბზეც. პერსონალურ მონაცემთა დაცვის ინსპექტორმა დაუშვებელი უწოდა ბავშვის შესახებ მსგავსი ვიდეომასალის გავრცელებას.

ფსიქოლოგი მაია ცირამუა On.ge-სთან საუბრობს, თუ რა პრობლემები შეიძლება გამოიწვიოს გადაცემის დაანონსებული სახით გაშვებამ და რატომ არაა მასტურბაცია ბავშვებში პრობლემური საკითხი.