ამის შესახებ ევროკომისიის პრეზიდენტისა და დიდი ბრიტანეთის პრემიერმინისტრის ერთობლივ განცხადებაშია ნათქვამი. ლაიენისა და ტრასის შეხვედრა ნიუ-იორკში გაეროს 77-ე გენერალურ ასამბლეაზე გაიმართა.

რატომ არის მნიშვნელოვანი: მობილიზაციის გამოცხადების შემდეგ რუსეთში პანიკაა და მოქალაქეთა ნაწილი ქვეყნიდან თავის დაღწევად ცდილობს.

  • ხალხი რუსეთიდან წასვლას სხვადასხვა გზებით ცდილობს — უჩვეულო სისწრაფით იყიდება თვითმფრინავის ბილეთები, საცობებია ქვეყნის საზღვრებთან.
  • პუტინის ახალი ბრძანების შემდეგ რუსეთში საპროტესტო აქციები გაიმართა, გავრცელებულ ვიდეოებში ჩანს, რომ პოლიცია შეკრებილებს ძალის გამოყენებით აკავებს.
  • არსებული ინფორმაციით, ამ დროისთვის 1000-ზე მეტი ადამიანია დაკავებული, მათ შორის ყველაზე ბევრი მოსკოვსა და პეტერბურგში.

დეტალები: განცხადებაში ვკითხულობთ, რომ მათ მკაცრად დაგმეს უკრაინაში რუსეთის ქმედებები.

  • ასევე, აღიარეს უკრაინელი ხალხის სიმამაცე, გამბედაობა და ხაზი გაუსვეს, რომ მათი ერთობლივი ვალდებულებაა, მხარი დაუჭირონ უკრაინას მანამ, სანამ ეს საჭირო იქნება.