ახალი ამბები On.ge

ირაკლი კობახიძე

ირაკლი კობახიძე

28 Jul. 2022, 17:47

პირადი შეხვედრა ეს, რა თქმა უნდა, ვერ იქნებოდა, პირადი შეხვედრები იმართება მეგობრებს შორის და ჩვენ არ გვაქვს ასეთი ინფორმაცია, რომ ეს შეიძლებოდა ყოფილიყო მეგობრული შეხვედრა. მარტივი ლოგიკური დასკვნა შეგვიძლია გამოვიტანოთ, რა თქმა უნდა, სრული უფლება არსებობდა იმის, რომ ამ შეხვედრაზე ყოფილიყო საჯაროდ საუბარი, დასმულიყო კითხვები და პასუხი გასცემოდა ამ კითხვებს. აქ მეგობრობაზე რომ იყოს საუბარი, მინიმუმ ასეთ შემთხვევაში გაემიჯნებოდა იმ უსამართლო შეტევას, რომელიც ხორციელდებოდა მეგობარ ბიძინა ივანიშვილზე. თუ ის მეგობრად მიიჩნევს ივანიშვილს, მაშინ ექნებოდა სათანადო რეაქცია, მათ შორის ევროპარლამენტის რეზოლუციაზეც, ასევე რადიკალური ოპოზიციის მესიჯბოქსზეც.

ეს არის ორკესტრირებული შეტევა ბიძინა ივანიშვილზე, რაშიც ჩართულია რადიკალური ოპოზიცია, NGO-ები, ასევე ჩართეს 300-ზე მეტი ევროპარლამენტარი და აქ მეგობრობაზე რომ იყოს საუბარი, ძალიან მარტივად ამ პროცესს გაემიჯნებოდა ქალბატონი ელჩი. თუმცა, სამწუხაროდ, ეს არ გააკეთა და ეს დამატებით წარმოშობს კითხვისნიშნებს. აქედან გამომდინარე, მნიშვნელოვანია, რომ სიცხადე იყოს ამ ყველაფერში, მაგალითად, როდესაც ვიღაც ამბობს, რომ სანქციები უნდა დაუწესდეს ბიძინა ივანიშვილს, მნიშვნელოვანია, ამერიკის ელჩს ჰქონდეს მკაფიო პოზიცია, ვიღაც როცა ითხოვს მთავრობის გადადგომას, მნიშვნელოვანია, მას ჰქონდეს მკაფიო პოზიცია და ა.შ. ასეთ დროს კითხვები საზოგადოებაში, ბუნებრივია, მოიხსნებოდა. 

განაცხადა ქართული ოცნების თავმჯდომარემ, ირაკლი კობახიძემ. საქართველოში აშშ-ის ელჩმა, კელი დეგნანმა ივანიშვილთან შეხვედრასთან დაკავშირებით თქვა, რომ არასოდეს ყოფილა საუბარი საქართველოს ჩართვაზე უკრაინის წინააღმდეგ რუსეთის ომში, ან "შანტაჟზე", ან მოქმედებებზე, რაც უკავშირდება ივანიშვილისთვის ფულის გადარიცხვის შეფერხებას.

0 0

კომენტარები

კვირის ტოპ-5

  1. "ქართულ ოცნებაში" საკადრო ცვლილებები განხორციელდა — ვინ ვის ანაცვლებს?
  2. ორთვიანი განშორების შემდეგ, ნიკოლ ფაშინიანი ცოლს შეურიგდა
  3. ალექს საპირი: დიდი პატივია, რომ ავაშენებ Trump Tower-ს იმ ქვეყანაში, სადაც ჩემი მშობლები დაიბადნენ და გაიზარდნენ
  4. ალბი კორძაია ლუკა ჭოხონელიძეს გაუპატიურებასა და სექსუალურ შევიწროებაში ადანაშაულებს
  5. "ნანგრევებში დავრჩებით" — ალიევის ცენტრის ასაშენებლად თბილისური ეზოს დანგრევას აპირებენ | ვიდეორეპორტაჟი

გირჩევთ

ახლა კითხულობენ