ყოფილი მთავარი პროკურორის, ოთარ ფარცხალაძის ადვოკატმა, მერაბ ჩიქოვანმა დღევანდელ ბრიფინგზე განაცხადა, რომ სახელმწიფო აუდიტის ხელმძღვანელის, ლაშა თორდიას მიერ გავრცელებული ინფორმაცია, თავდასხმის შესახებ, მცდარია და სინამდვილეში მხოლოდ მცირე ინციდენტი მოხდა:

"რეალობა სულ სხვაა, თორდიას მიერ გაკეთებული განცხადებები კი მცდარია, რაც დასტურდება ჩვენს მიერ მოპოვებული მტკიცებულებები. ერთ-ერთი თვითმხილველი პირის ციტირებით, 2017 წლის 12-13 მაისს, კაფე-ბარ ელ ცენტროში, "ის რაც მან ნახა, მას ინციდენტსაც ვერ უწოდებს", რადგან ყველაფერი დაიწყო და გრძელდებოდა რამდენიმე წამის განმავლობაში, ისე, რომ აღნიშნულ ინციდენტში ბატონ ოთარ ფარცხალაძეს მონაწილეობა არც კი მიუღია".

ადვოკატის განცხადებით, გენერალური აუდიტორის გავრცელებული ინფორმაცია პოლიტიკური მიზნებით გაკეთდა და რეალურად მასზე თავდასხმას ადგილი არ ჰქონია.