კობახიძე: ვიღაც არახამიას, ვინც თავის ქვეყანას შეუქმნა პრობლემები, უნდა იგივე საქართველოში

7 Jul. 2022, 15:35

ვის რაში შეიძლება სჭირდებოდეს ეს ყველაფერი, ამაზე საზოგადოებამ უნდა იმსჯელოს. მათ შორის, რატომ არის იგივე არახამია ჩართული ამ ყველაფერში, ამაზეც საზოგადოებამ უნდა იმსჯელოს. რაც შეეხება თვითონ ბიძინა ივანიშვილის თანხებს. აქ ერთი რამ მინდა შევახსენო საზოგადოებას, ბიძინა ივანიშვილმა განაცხადა პოლიტიკიდან გასვლის მომენტში, ეს ხდებოდა შარშან იანვარში, რომ ის იტოვებდა საკუთარი ოჯახისთვის მხოლოდ ორას მილიონ დოლარს, ორასი მილიონი დოლარის აქტივებს. დანარჩენი თანხა და ეს ვრცელდებოდა მათ შორის, Credit Suisse-ში განთავსებულ თანხებზე, მთლიანად მიემართებობდა საქველმოქმედო ფონდში, საქველმოქმედო მიზნებისთვის.

ასეთ დროს, როდესაც საუბარია იმაზე, რომ ვიღაცას სურს, ვიღაც არახამიას, რომელმაც საკუთარ თავს უნდა მიხედოს და საკუთარ პრობლემებს, რომელიც შეუქმნა საკუთარ ხალხს, როდესაც არახამია საუბრობს იმაზე, რომ უნდა დაუწესდეს სანქციები ბიძინა ივანიშვილს, ეს ნიშნავს მათ შორის, ეს ერთ-ერთი ასპექტია, რაზეც მინდა ყურადღება გავამახვილო, არაერთი უამრავი საქველმოქმედო პროექტის შეჩერებას. ბიძინა ივანიშვილს ისედაც აქვს დახარჯული სამი მილიონი დოლარი უკვე ქველმოქმედებაში საქართველოში. რას ხმარდებოდა ეს ყველამ ძალიან კარგად იცის. მომავალშიც არის უამრავი პროექტი დაგეგმილი. მათ შორის არის, ისევ და ისევ, ტაძრების მოვლა-პატრონობა, აღდგენა, იგივე თეატრების აღდგენა, თბილისის ცენტრალური პარკის რეაბილტაცია და ა.შ. ეს პროექტები დგება, ვიღაც არახამიას გამო, რომელმაც თავის ქვეყანას შეუქმნა, თავისია თუ არა ჯერ თვითონ არ იცის, სერიოზული პრობლემები და უნდა იგივე ან მსგავსი პრობლემები შექმნას საქართველოშიც. ასეთი სანქციები უკვე ნიშნავს იმას, რომ უამრავი პროექტი, რომელიც უნდა განხორციელებულიყო ქართველი ხალხისთვის, თბილისისთვის, რეგიონების მოსახლეობისთვის შეიძლება დადგეს კითხვის ნიშნის ქვეშ და ეს უნდათ ამ ადამიანებს და უნდათ უფრო უარესი, ამ მეორეს მე არ ვიტყვი უბრალოდ.

ბოლო ამბები:

ირაკლი კობახიძე კობახიძე: ვიღაც არახამიას, ვინც თავის ქვეყანას შეუქმნა პრობლემები, უნდა იგივე საქართველოში

კომენტარები

კვირის ტოპ-5

გირჩევთ

ახლა კითხულობენ

ჟურნალისტებმა ერთჯერადი სპეციალური აკრედიტაციის მისაღებად განაცხადით შალვა პაპუაშვილს უნდა მიმართოს