კიევის ოლქის სოფელ ლესნიკის მიმდებარე ტერიტორიაზე, დაუდგენელმა პირებმა უკრაინის პრეზიდენტის პირველი თანაშემწის სერგეი შეფირის მანქანას ცეცხლი გაუხსნეს. შედეგად, შეფირის მძღოლს ცეცხლსასროლი იარაღიდან სამი ჭრილობა აქვს მიყენებული. ის ახლა რეანიმაციულ განყოფილებაში იმყოფება. თავად შეფირი არ დაშავებულა, მაგრამ მას ჯერ მომხდარზე კომენტარი არ გაუკეთებია.

პრეზიდენტის პირველი თანაშემწის კოლეგები ვარაუდობენ, რომ დამნაშავეებს სამიზნე აერიათ და ელოდნენ, რომ შეფირი თვითონ მართავდა მანქანას.

მკვლელობის მცდელობის საქმეზე გამოძიება დაწყებულია.