ამინდის ეროვნული სააგენტოს ინფორმაციით 2-3 სექტემბერს საქართველოში მოსალოდნელია წვიმა ელჭექით, ზოგან ძლიერი, დროგამოშვებით დასავლეთის მიმართულების ძლიერი ქარი იქროლებს და შესაძლებელია სეტყვა. ასევე, ზღვაზე 4-5 ბალიანი შტორმია მოსალოდნელი, დასავლეთ საქართველოში კი მნიშვნელოვნად დაიკლებს ჰაერის ტემპერატურა.

სააგენტოში ამბობენ, რომ მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა-გააქტიურება გამოიწვიოს.