პრემიერმინისტრ ირაკლი ღარიბაშვილის განცხადებით, ქართულ ოცნებაში და ხელმძღვანელობაში "იდეალური" და "ჰარმონიული" სიტუაცია აქვთ. მისი თქმით, ინფორმაცია, რომ შესაძლოა მან ირაკლი კობახიძის პოზიცია დაიკავოს, "დეგრადირებული" ოპოზიციიდან შეგნებულად ვრცელდება.

"ეს არის შეგნებული, ასე ვთქვათ, პროვოკაციული ინფორმაცია, რომელიც ვრცელდება ჩვენი დეგრადირებული, ფაქტობრივად დაშლილი, დაქუცმაცებული ოპოზიციის მხრიდან, იმისთვის, რომ თავად გადაფარონ საკუთარ პარტიაში არსებული ძალიან მძიმე მდგომარეობა. აი, ეს არის მთავარი მიზეზი. დღეს პარტიაში და ჩვენს ხელმძღვანელობაში არის იდეალური, ჰარმონიული სიტუაცია. ჩვენ გვაქვს ყველას ძალიან მჭიდრო, ერთ მუშტად შეკრული სიტუაცია", — განაცხადა ღარიბაშვილმა.