ბრაზილიაში საბავშვო ბაღში მაჩეტეთი შეიარაღებული კაცი შეიჭრა, შემთხვევას 5 ადამიანის სიცოცხლე ემსხვერპლა. აღნიშნულზე ინფორმაციას BBC ავრცელებს.

მათივე ცნობით, მსხვერპლიდან 3 ბავშვი იყო, 2 კი თანამშრომელი.

თავდამსხმელმა ამის შემდეგ თვითმკვლელობა სცადა და პოლიციის განცხადებით, ახლა ის კრიტიკულ მდგომარეობაშია.

შემთხვევის დროს შენობაში ათეულობით ბავშვი იმყოფებოდა, ბაღის თანამშრომლებმა კი მათი დამალვა სცადეს. ერთ ბავშვს მცირე დაზიანებები აღენიშნება.

ჯერჯერობით უცნობია თავდასხმის მიზეზი.