სალხინოს მამათა მონასტერში, სადაც ამ დილიდან დაპირისპირება იყო, აქტივისტი ვარლამ გოლეთიანი ჩავიდა. მისი თქმით, მას სურს, ეპარქიაში ცხოვრება მშვიდობიანად გაგრძელდეს. ამის შესახებ მან ფორმულასთან ისაუბრა.

"ჩვენ ყოველდღიურად ვადევნებთ თვალს ეპარქიაში განვითარებულ მოვლენებს, რაც ხდება. ვწუხვართ ამ ყველაფრის გამო და ჩამოვედით, რომ ეპარქიაში ცხოვრების მშვიდობიანად გაგრძელებას დავუჭიროთ მხარი. ეს არის ჩვენი მიზანი დღევანდელი აქ მოსვლის. [...] ასე მხარეებად არ ვყოფთ ჩვენ, უბრალოდ ვხედავთ, რომ ასეთი სიტუაციაა, რომ ღელავს მთელი საზოგადოება, ვინც ადევნებს ამ პროცესს თვალს. ჩვენ მხარეებად არ ვყოფთ ზოგადად და გვინდა, რომ მშვიდობიანად მოგვარდეს ეს პროცესი", — განაცხადა ვარლამ გოლეთიანმა.

დღეს სალხინოს მამათა მონასტერში რამდენიმეჯერ მოხდა დაპირისპირება. პირველად მაშინ, როცა იქ მეუფე სტეფანეს მხარდამჭერი ბიზნესმენი, კლიმენტი კეკუტია გამოჩნდა. მეორე დაპირისპირება თავად მეუფე სტეფანეს გამოჩენას მოჰყვა.