ერგნეთში ხვალ, 5 მარტს ინციდენტების პრევენციისა და მათზე რეაგირების მექანიზმის (IPRM) ფარგლებში დაგეგმილი 98-ე შეხვედრა გაიმართება. სახელმწიფო უსაფრთხოების სამსახურში On.ge-ს განუცხადეს, რომ შეხვედრის მთავარი თემები უკანონოდ დაკავებული საქართველოს მოქალაქეების გათავისუფლება, ე.წ. ბორდერიზაცია და ადგილზე არსებული ვითარების განხილვა იქნება.

ერგნეთში IPRM-ის ფარგლებში დაგეგმილი 98-ე შეხვედრა 2020 წლის 20 ნოემბერს გადაიდო. სუს-ში მაშინ ამბობდნენ, რომ შეხვედრის ჩაშლის მიზეზი Covid-19-ის მიზეზით შექმნილი ეპიდემიოლოგიური ვითარება იყო.

ერგნეთში, IPRM-ის ფარგლებში ბოლო, 97-ე შეხვედრა 24 სექტემბერს გაიმართა.