ევროპის ყველაზე ასაკოვანმა ადამიანმა 116 წლის ასაკში კორონავირუსი დაამარცხა. ამის შესახებ ინფორმაციას BBC ავრცელებს.

მედიის ცნობით, ფრანგი მონაზონი, და ანდრე კორონავირუსისგან თავის დაბადებისდღემდე რამდენიმე დღით ადრე განიკურნა. "ვერც კი გავაცნობიერე, რომ კორონავირუსი მქონდა", — უთხრა პაციენტმა ადგილობრივ მედიას.

წმინდა კეტრინ ლაბურეს მოხუცთა პანსიონატის წარმომადგენლის თქმით, ქალს დაავადების მიმართ შიში არ გამოუვლენია და ხანდაზმულთა სახლში მცხოვრები სხვა მოხუცების ჯანმრთელობის მდგომარეობაზე ღელავდა.

"ის საკუთარ ჯანმრთელობაზე არ მეკითხებოდა, უფრო აინტერესებდა მისი ჩვევების შესახებ. მაგალითად, თუ შეეცვლებოდა სადილობის ან ძილის გრაფიკი", — განაცხადა პანსიონატის წარმომადგენელმა.

რაც შეეხება გამოჯანმრთელებულ პაციენტს, მან ადგილობრივ მედიას უთხრა, რომ კორონავირუსის არ შეშინებია, რადგან სიკვდილი არ აშინებს. და ანდრე 1904 წლის 11 თებერვალს დაიბადა. იგი ევროპის უხუცესი ადამიანია.