ჯანდაცვის მინისტრის მოადგილის, თამარ გაბუნიას განცხადებით, დღეს ვაქცინების კომენრციალიზაციაზე საუბარი "არასერიოზულია" და "პოლიტიკური სპეკულირების" ნაწილია. ამის შესახებ მან ტელეკომპანია იმედის ეთერში ისაუბრა.

"დღეს ვაქცინის კომერციალიზაციაზე საუბარი არის უბრალოდ არასერიოზული, რადგან ეს მექანიზმი საერთოდ არ მოქმედებს, არარსებული მექანიზმია. სახელმწიფოს ჩარევის გარეშე დღეს ვაქცინას ვერ მიიღებს ვერც ერთი ქვეყანა. ამდენად ჩვენ მივყვებით ამ ეტაპებს. ეს არის პოლიტიკური სპეკულირების ნაწილი, ასე ვაფასებ მე. ქვეყანას აქვს ძალიან მკაფიო გეგმა და უკვე საკმაოდ დიდი წარმატება იმაში, რომ პირველი დოზები ვაქცინის შემოვიდეს ძალიან მალე", — განაცხადა გაბუნიამ.

პარტია ლელოს ლიდერმა, მამუკა ხაზარაძემ 6 თებერვალს განაცხადა, რომ სახელმწიფო ვაქცინაციის პარალელურად, ნებადართული უნდა იყოს ვაქცინის კომერციულად შემოტანა წინასწარ დათქმული პირობების შესაბამისად.