სპეციალურად ქართველი სტუდენტებისათვის ესპანური უნივერსიტეტი Universitat Autònoma de Barcelona (UAB) (ბარსელონის ავტონომიური უნივერსიტეტი) ვებინარის ჩატარებას გეგმავს, სადაც დაინტერესებულ მოსწავლეებსა და სტუდენტებს ექნებათ შესაძლებლობა, გაეცნონ უნივერსიტეტის პროგრამების მიმოხილვასა და შეთავაზებებს; ასევე მათთვის საინტერესო საკითხებზე კითხვები დაუსვან უნივერსიტეტის წარმომადგენელს, სანტი ალიასს.

ვებინარი გაიმართება 11 თებერვალს, 16 საათზე ამერიკულ-ქართულ განათლების ცენტრ LEAF-თან თანამშრომლობით. ცენტრი ყოველწლიურად მართავს საინფორმაციო სახის შეხვედრებს, ვებინარებს, განათლების გამოფენებს და სრულიად უფასოდ აძლევს მოსწავლეებსა და სტუდენტებს შესაძლებლობას, მიიღონ მათთვის საინტერესო ინფორმაცია და პირდაპირი კავშირი დაამყარონ მსოფლიოს სხვადასხვა უნივერსიტეტისა და სასწავლებლის წარმომადგენლებთან.

ვებინარზე დასასწრებად შეგიძლიათ, ეწვიოთ შეხვედრის ბმულს. შეხვედრა გაიმართება ინგლისურ ენაზე, მასზე დასწრება კი უფასოა.

http://bit.ly/UAB-Webinar-registration

ბარსელონის ავტონომიური უნივერსიტეტი

ბარსელონის ავტონომიური უნივერსიტეტი (AUB) დაარსდა 1968 წელს და მდებარეობს ესპანეთში, ქალაქ ბარსელონაში. უნივერსიტეტმა 4 დეპარტამენტით დაიწყო ოპერირება. ეს იყო ფილოსოფია და ხელოვნება, მედიცინა, მეცნიერება და ეკონომიკა. დღეს უნივერსიტეტს 107 საბაკალავრო, 141 საერთაშორისოდ აკრედიტირებული სამაგისტრო და 113 AUB-ის სერტიფიცირებული სამაგისტრო პროგრამა აქვს. AUB ასევე გთავაზობთ სემესტრულ კურსებსა და ენის შემსწავლელ პროგრამებს. უნივერსიტეტში ასევე შესაძლებელია დოქტორანტურაზე სწავლა. 2019-2020 აკადემიურ წელს AUB-ს 4 790 PhD დოქტორანტი სტუდენტი ჰყავდა.

ბარსელონის ავტონომიური უნივერსიტეტი (AUB) ევროპის საუკეთესო უნივერსიტეტების ასეულში შედის. ის ინარჩუნებს ძლიერ პოზიციებს სხვადასხვა საერთაშორისო საუნივერსიტეტო რეიტინგებში. მაგალითად QS World University Rankings-ის მიხედვით ის მსოფლიოში 213-ე, ხოლო ევროპაში 91-ე ადგილს იკავებს. THE World University Rankings-ის მიხედვით AUB მსოფლიოში 182-ე, ხოლო ევროპაში 84-ე ადგილს იკავებს.

უნივერსიტეტში სწავლა შესაძლებელია, როგორც ესპანურ, ასევე ინგლისურ ენაზე.

პროგრამები და კურსები

საბაკალავრო პროგრამები

ბარსელონის ავტონომიური უნივერსიტეტი გთავაზობთ საბაკალავრო პროგრამას ტურიზმში ესპანურ და ინგლისურ ენებზე, ესპანურენოვან პროგრამებს სასტუმროს მართვაში და ასევე უსაფრთხოების სისტემებსა და პრევენციაში (აღნიშნული პროგრამა სრულად არის ხელმისაწვდომი ონლაინ). ბაკალავრიატზე სწავლის ხანგრძლივობა 4 წელია. ზემოაღნიშნული პროგრამების საფასური წელიწადში 4 980 ევროა. საბაკალავრო პროგრამების საშუალო ღირებულება კი, დაახლოებით, 3 000 ევროა წელიწადში.

ჩამოთვლილის გარდა უნივერსიტეტში შესაძლებელია სწავლა მრავალი მიმართულებით, როგორიცაა: ფსიქოლოგია, გეოლოგია, ფიზიკა, მათემატიკა, ბიოქიმია, გენეტიკა, ისტორია, არქეოლოგია, ფილოსოფია, პოლიტიკური მეცნიერებები, ბიზნეს ადმინისტრირება, განათლება, ეკონომიკა და ა.შ.

საერთაშორისოდ აკრედიტირებული სამაგისტრო პროგრამები

პროგრამების ხანგრძლივობა 1 წელია. ქვემოთ ჩამოთვლილი პროგრამების საფასური კი წელიწადში, საშუალოდ, 7 000 ევროა.

• Master’s Degree in Management and Organisation of Event Tourism
  ენა: ესპანური (70%) და ინგლისური (30%)
• Master’s Degree in Hotel Management
  ენა: ესპანური (90%) და ინგლისური (10%)
• Master’s Degree in Tourist Management of Cultural Heritage
  ენა: ესპანური (90%) და ინგლისური (10%)
• Master’s Degree in European Union-China: Culture and Economy
  ენა: ესპანური (100%)
• Master’s Degree in Transfusion Medicine and Advanced Cell Therapies (Online)
  ენა: ესპანური ან ინგლისური (100%)

UAB-ის სამაგისტრო პროგრამები და სასერტიფიკატო კურსები/ონლაინ კურსები

UAB Online Master’s Degree in Digital Management Of International

• Tourist Business
  ენა: ესპანური.
  ხანგრძლივობა: 1 წელი.
  ფასი: 5 400 ევრო
• Online Graduate Diploma in Management of Tourist Projects and Emotional Intelligence
  ენა: ესპანური.
  ხანგრძლივობა: 1 სემესტრი.
  ფასი: 2 700 ევრო
• Online Graduate Diploma in Revenue Management, Digital Marketing and Customer Experience
  ენა: ესპანური.
  ხანგრძლივობა: 1 სემესტრი.
  ფასი: 2 700 ევრო
• Graduate Diploma in Ecotourism and Nature-Guide Training
  ენა: ესპანური (90%) და ინგლისური (10%).
  ხანგრძლივობა: 1 წელი.
  ფასი: 2 500 ევრო
• Graduate Diploma in Executive Management of Archival and Records Management Services
  ენა: ესპანური (100%).
  ხანგრძლივობა: 2 წელი.
  ფასი: 2 100 ევრო
• Graduate Diploma in Electronic Records Management
  ენა: ესპანური (100%).
  ხანგრძლივობა: 1 სემესტრი.
  ფასი: 2 950 ევრო
• Graduate Diploma in Management, Preservation and Dissemination of Photographic Archives (Online)
  ონლაინ პროგრამის ენა: ესპანური (100%).
  ხანგრძლივობა: 2 წელი.
  ფასი: 2 400 ევრო

როგორც უკვე აღვნიშნეთ, ბარსელონის ავტონომიური უნივერსიტეტის (AUB) ვებინარს 11 თებერვალს, 16 საათზე შეგიძლიათ უფასოდ დაესწროთ და გაიგოთ მეტი თქვენთვის საინტერესო საკითხის შესახებ.