განათლების მინისტრის, მიხეილ ჩხენკელის განცხადებით, მიიღეს გადაწყვეტილება, რომ მე-5 კლასიდან ზემოთ მოსწავლეებისთვის პირბადის ტარება სავალდებულო იყოს. ჩხენკელის თქმით, მშობლებს დაევალებათ, რომ შვილებს პირბადეები გამოატანონ.

"ყველა სკოლაში დაწყებული მე-5 კლასიდან ზემოთ, მოსწავლეებისთვის აუცილებელი იქნება პირბადის ტარება. რაც შეეხება დეტალურ ინსტრუქციებს, ეს დღესვე დაურიგდებათ სკოლებს და ყველა სკოლა ამაზე მოახდენს კომუნიკაციას მშობლებთან. ყველაფერი კეთდება იმისთვის, რომ შენარჩუნდეს ის კარგი დინამიკა, რომელიც გვაქვს", — თქვა მან.

საქართველოს პრემიერმინისტრმა, გიორგი გახარიამ 4 თებერვალს განაცხადა, რომ 15 თებერვლიდან ყველა ქალაქში, მათ შრის, თბილისში, რუსთავსა და ქუთაისშიც სწავლა საკლასო ოთახებში აღდგება.