ჯანდაცვის მსოფლიო ორგანიზაციის ცნობით, ვაქცინირებულთა რიცხვმა კორონავირუსით ინფიცირებულთა საერთო რაოდენობას გადააჭარბა. ამის შესახებ WHO-მ საკუთარ ტვიტერზე დაწერა.

ჯონ ჰოპკინსის უნივერსიტეტის მონაცემებით, დღეის მდგომარეობით ინფიცირებულთა საერთო რაოდენობა 105 მილიონს აჭარბებს. მათგან, 26 მილიონზე მეტი ინფიცირებულით ამერიკის შეერთებული შტატები ლიდერობს, რასაც შემდეგ 11 მილიონამდე ინფიცირებულით ინდოეთი მოსდევს. მესამე ადგილს კი 9 მილიონზე მეტი ინფიცირებულით ბრაზილია იკავებს.

რაც შეეხება საქართველოს, დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, თებერვალში, მარტის დასაწყისამდე, საქართველო Pfizer-ის ვაქცინას აითვისებს, ხოლო შემდეგი AstraZeneca იქნება. საქართველოს ეროვნული ვაქცინაციის გეგმის მიხედვით, მოსახლეობის 60%-ის ვაქცინაცია იგეგმება.

ასევე წაიკითხეთ: