შრომის ინსპექტირების დეპარტამენტის ხელმძღვანელის, ბექა ფერაძის განცხადებით, კომუნიკაცია აქვს ძალიან ბევრ რესტორანთან, რომელიც ამბობს, რომ დღეს მათთვის პრიორიტეტული სამუშაოს განხორციელების უფლების მიღება არ არის.

"ეს არ არის რესტორნების აბსოლუტური უმრავლესობა. ეს არის გარკვეული ჯგუფი, რომლებიც მსგავს მოთხოვნებს აყენებენ და ჩვენ, ასევე, გვაქვს ძალიან ბევრ რესტორანთან კომუნიკაცია, რომლებიც გვეუბნებიან, რომ არ არის მათთვის დღეს პრიორიტეტული სამუშაოს განხორციელების უფლების მიღება, ვინაიდან, აქ გარკვეული პრობლემები წარმოიქმნება. რესტორნების აბსოლუტური უმრავლესობა სრულად იზიარებს მოთხოვნებს და მიყვება მიჰყვება მთავრობის მიერ დაანონებულ ეტაპობრივი გახსნის პროცესს და ამას სრული პასუხისმგებლობით ვამბობ. არიან გარკვეული სარესტორნე მომსახურებები, რომლებიც ამბობენ, რომ მათთვის ძალიან მნიშვნელოვნია გახსნა. ამ ორი ჯგუფის ინტერესები უნდა იყოს შეჯერებული", — განაცხადა ფერაძემ.

აკრძალვების მიუხედავად, 6 თებერვლიდან რესტორნები გახსნას გეგმავენ. ინფორმაცია გასტრონომიის ასოციაციის ხელმძღვანელმა, ლევან ქოქიაშვილმა ფეისბუქზე გაავრცელა და რესტორანთა ასოციაციის თავმჯდომარემ, შოთა ბურჯანაძემ On.ge-ს დაუდასტურა.

გუშინ, 2 თებერვალს ამოიწურა ხელისუფლებისთვის მიცემული ულტიმატუმის ვადა. კანცელარიასთან აქციაზე შეკრებილმა სხვადასხვა ბიზნესის წარმომადგენლებმა განაცხადეს, რომ თუ 2 თებერვლის დღის ბოლომდე ხელისუფლება გახსნის შესახებ არ განაცხადებდა, დაუმორჩილებლობას გამოაცხადებდნენ.