ნაციონალური მოძრაობის თავმჯდომარის, ნიკა მელიას თქმით, ნაციონალური მოძრაობა ახლა პოლიტიკურ პროფილაქტიკაშია შესული რემონტზე და იქიდან გამოყვანილი მტყობრში მოყვანილი პოლიტიკური მანქანა მთავარ პოლიტიკურ მაგისტრალზე დადგება.

"ნაციონალური მოძრაობა შესული არის ახლა პოლიტიკურ პროფილაქტიკაში რემონტზე, შეიძლება ასე ითქვას და იანვრის ბოლოს გამოვა იქიდან დაბერილი საბურავებით, შესწორებული ყველა ნაწილით, რომელიც იყო ავარიული, მწყობრში მოყვანილი პოლიტიკური მანქანა დადგება მთავარ პოლიტიკურ მაგისტრალზე. ამ ყველაფერში დარწმუნდება საზოგადოება. გუნდი მნიშვნელოვნად მიიღებს შევსებას ახალი საჭირო ადამიანების მხრიდან. სხვადასხვა საზოგადოებრივი ჯგუფებით იქნება შევსებული პარტია, ნაციონალური მოძრაობა და ჩვენს გამოცდილ თანამებრძოლებთან ერთად გავაგრძელებთ ბრძოლას ამ ქვეყნის მომავლისთვის", — განაცხადა მელიამ მთავარი არხის ეთერში.

27 სექტემბერს ნიკა მელია პარტიის ყრილობაზე თავმჯდომარედ დაამტკიცეს. ერთიანი ნაციონალური მოძრაობის მხარდამჭერებმა ფეისბუქგამოკითხვით ნიკა მელია პარტიის თავმჯდომარედ 25 დეკემბერს აირჩიეს. მას თითქმის ორჯერ მეტი ხმა ჰქონდა მიღებული, ვიდრე ლევან ვარშალომიძეს.