ნაციონალური მოძრაობის ყოფილი წევრი, გიგი უგულავა აცხადებს, რომ მომავალ ადგილობრივი თვითმმართველობის მაჟორიტარულ არჩევნებში აუცილებლად მიიღებს მონაწილეობას, ენმ-ს გამოყოფილ სხვა ადამიანებთან ერთად. ამის შესახებ უგულავა რუსთავი 2-ის გადაცემა არჩევანში ისაუბრა:

"კატასტროფული შეცდომაა არჩევნების როგორც პოლიტიკური ინსტრუმენტის გამორიცხვა. ეს ნიშნავს, რომ პარტია აღარ იქნება. ეს, რაც გუშინ [სააკაშვილისგან] მოვისმინე ჩემთვის აბსოლუტურად გაუგებარია. ჩვენ, რა თქმა უნდა, ვაპირებთ მომავალ ადგილობრივ არჩევნებზე გასვლას. რა თქმა უნდა, ვაპირებთ ყველა რაიონში და განსაკუთრებით დიდ ქალაქებში ბრძოლას. გასაგებია, ურთულესი პრობლემებია და ამ არჩევნებმა ანახა ეს პრობლემები, მაგრამ ყველა ნაციონალური მოძრაობის მომხრეს მინდა ვუთხრა რეგიონებში - მეგობრებო, თუ პარტია არ მიიღებს, ვინც დარჩა მათ მივმართავ, თუ არ მიიღებს მონაწილეობას ნაციონალური მოძრაობა ჩვენი კარი თქვენთვის ღიაა. თქვენ ჩემი თანამებრძოლები იყავით და ჩვენ საერთო მიზნები გვაქვს."

ნაციონალური მოძრაობის დაშლის შესახებ განცხადება უგულავამ და პარტიის სხვა წევრებმა 12 იანვარს განაცხადეს.