საგანგებოდ გამართულ ბრიფინგზე ქართული ოცნების საარჩევნო შტაბის უფროსმა, ირაკლი კობახიძემ საარჩევნო უბნებზე არეულობის შესახებ ისაუბრა: "მარტო ხელფასზე უზით ნაციონალებს დაახლოებით ათი ათასი კაცი. ათი ათასი კაცი როცა არის ჩართული, როგორ გინდა უზრუნველყო, რომ ეს ათი ათასი კაცი პროვოკაციას არ მოაწყობს. სულ ათასი პატრულის ეკიპაჟია. რა თქმა უნდა, რთულია"

ირაკლი კობახიძის თქმით, "უბნებთან მღელვარებასა და ინციდენტებს წინ უსწრებს პარტიული ტელევიზიების მისვლა".

კობახიძის თქმით, რაც უფრო იაქტიურებს ამომრჩეველი, მით უფრო ნაკლებად იქნება წარმოდგენილი რადიკალური და დესტრუქციული ოპოზიცია პარლამენტში.

"რაც უფრო მეტი ამომრჩეველი მოვა, მით ნაკლები გუბაზ სანიკიძე, მით ნაკლები სალომე სამადაშვილი, ნატო ჩხეიძე და ა.შ იქნება ქართულ პარლამენტში", — თქვა ირაკლი კობახიძემ.

2020 წლის საპარლამენტო არჩევნების შესახებ

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: