ნაციონალური მოძრაობის ლიდერმა და გლდანის მაჟორიტარობის კანდიდატმა, ნიკა მელიამ საკუთარი არჩევანი უკვე დააფიქსირა. მისივე თქმით, დილიდან უკვე არის საარჩევნო უბნებთან რიგები, რაც განპირობებულია მოქალაქეების სურვილით, რომ ნორმალური ცხოვრების შანსი გაუჩნდეთ.

"ყელში ამოუვიდა ყველას ცინიზმი, დაცინვა, მთელი რვა წლის განმავლობაში, თითქოს ყველაფერი კარგად არის, თითქოს ყველაფერი ისე არის, როგორც ბიძინა ივანიშვილს უნდა, მაგრამ ხალხს არ უნდა.

პასუხი იქნება ღირსეული, მშვიდი. უდრეკი ქართველი ერი, დღეს მტკიცეს დაამარცხებს ოლიგარქს. ოლიგარქს არ ექნება გაქანება. ასპარეზი ექნება დღეიდან, ხვალიდან უკვე ქართველი ხალხის ნიჭიერებას და არა ერთი ადამიანის სურვილებს", — განაცხადა მელიამ.

დღეს, 31 ოქტომბერს საქართველოში საპარლამენტო არჩევნები ტარდება. საარჩევნო უბნები დილის რვა საათზე გაიხსნა. ხმის მიცემა საღამოს რვა საათზე შეწყდება.