"ეეხ, ეს გეგმაც როგორ გამიგო ივანიშვილმა. როგორ ჩამიშალა", — ასე გამოეხმაურა ნაციონალური მოძრაობის ლიდერი ქართული ოცნების ბრალდებას, რომ საარჩევნოდ ოპოზიცია Deepfake-ის გამოყენებით მასალებს მოამზადებდა.

როგორც სააკაშვილი ამბობს, მმართველი გუნდი ხვდება, რომ არჩევნებს აგებს, რის გამოც ოპოზიციის მხრიდან გაყალბებაზე საუბრობს. გარდა ამისა, მან აღნიშნა, რომ უცხოელი სპეციალისტების დახმარებით სახის ამომცნობი სისტემა შექმნეს, რომელიც, პირიქით, საარჩევნო გაყალბების წინააღმდეგ იქნება მიმართული.

"სინამდვილეში რაზეც შეშფოთდნენ, რომ პირველად მთელი ამ არჩევნების განმავლობაში, ადრე იდეალური მსხვერპლებივით რომ ვიქცეოდით, უკრაინელი სპეციალისტებისა და უცხოელების დახმარებით გაკეთდა სახისა და სხეულის ამომცნობი სისტემა, რომელიც მათ კარუსელებს ბარიერებს უქმნის. ამტომ არ იციან, რა ქნან", — განაცხადა სააკაშვილმა.

ქართული ოცნების აღმასრულებელმა მდივანმა, ირაკლი კობახიძემ 26 ოქტომბერს ბრიფინგზე განაცხადა, რომ "რადიკალური ოპოზიცია" Deepfake-ის გამოყენებით მასალებს ამზადებს, რაც, შესაძლოა, არჩევნების წინა დღეს ან არჩევნების დღეს გაავრცელონ.

კობახიძის თქმით, აქვთ ინფორმაცია, რომ ამ პროგრამის გამოყენებით არის დაგეგმილი გარკვეული მასალების მომზადება, მიზანი კი დეზინფორმაციის გავრცელებაა.

გაიგეთ მეტი: