პრემიერმინისტრის, გიორგი გახარიას განცხადებით, არჩევნები არ გადაიდება და იგი კონსტიტუციურ ვადებში ჩატარდება. მისი თქმით, "არჩევნების დღეს არაფერი ემუქრება და არც არაფერი დაემუქრება".

"არჩევნები არ გადაიდება რამდენიმე მიზეზის გამო. პირველი, საარჩევნო უბანი ისეთ დოენზე იქნება მომზადებული ეპიდემიოლოგიური უსაფრთხოების თვალსაზრისით, რომ ხშირ შემთხვევაში, ზოგიერთ სავაჭრო ცენტრსა და მაღაზიაში შესვლა იქნება უფრო სახიფათო, ვიდრე საარჩევნო უბანზე მისვლა. მეორე, ჩვენ ყველანი ვხედავთ, რომ პოლიტიკური პროცესი და საარჩევნო კამპანია მიმიდნარეობს აბსოლუტარდ ღიად. ერთადერთი, რასაც ვთხოვთ პოლიტიკოსებს არის, რომ წესები დავიცვათ, ვატაროთ პირბადე, ეს ასეთი რთული ხომ არ არის?", — განაცხადა გახარიამ.

კორონავირუსის შემთხვევების მატების გამო, ოპოზიციამ არჩევნების გადადების საკითხი წამოაყენა. ლელოს ვაკის მაჟორიტარი დეპუტატობის კანდიდატი, ლევან კობერიძე აღნიშნულზე საპარლამენტო მსჯელობის გამართვას ითხოვდა. საქართველოში საპარლამენტო არჩევნები 31 ოქტომბერს ჩატარდება.