მატრიცა? ჯონ უიკი? — ყველაფერი დაივიწყეთ, კიანუ რივზი სპანჯბობის შესახებ გადაღებულ ახალ ფილმში ითამაშებს.

სულ ცოტა ხნის წინ ახალი 3D ანიმაციური ფილმის, Sponge on the Run-ის ტრეილერი გამოვიდა, რომელიც სპანჯბობის ცნობილი ისტორიის სიქველს წარმოადგენს: მთავარი გმირი დაკარგული შინაური ცხოველის მოსაძებნად საუკეთესო მეგობართან, პატრიკთან ერთად მიეშურება.

თუმცა ეს სიუჟეტური დეტალები მაშინვე გადაფარა ტრეილერში 55 წლის მსახიობის, კიანუ რივზის გამოჩენამ:

სულ რაღაც რამდენიმეწამიანი მონაკვეთიდან ვიგებთ, რომ კიანუ რივზი ფილმში ზებუნებრივ ძალის სახით მოგვევლინება. ვითომ სპანჯბობის სამყაროს ღმერთი? რატომაც არა, არც ჩვენ ვიტყოდით უარს.

ფილმის პრემიერა 2020 წლის 22 მაისსაა დაგეგმილი.