რამდენიმეთვიანი ძებნის შემდეგ, დისნეიმ პრინცი ერიკის როლზე ბრიტანელი მსახიობი, ჯონა ჰაუერ-ქინგი შეარჩია. 24 წლის არტისტი მხატვრულ ფილმში, პატარა ქალთევზა მიიღებს მონაწილეობას.

მანამდე ერიკის როლზე მომღერალი ჰარი სტაილსი განიხილებოდა, რომელმაც საბოლოოდ ფილმში მონაწილეობაზე დატვირთული გრაფიკის გამო უარი თქვა.

ჯონა შესრულებული აქვს როლები ფილმში A Dog’s Way Home და BBC-ის 2017 წლის ადაპტირებულ სერიალში Little Women.

პოპულარული ანიმაციის ადაპტაციაში პატარა ქალთევზა არიელის როლს ჰოლი ბეილი შეასრულებს, რომელიც ადამიანად გადაქცევაზე ოცნებობს, მის ბოროტ მტერს - ურსულას კი მელისა მაკარტი ითამაშებს. არიელის მამის, მეფე ტრიტონის როლზე ხავიერ ბარდემი დაამტკიცეს.

ფილმის რეჟისორი რობ მარშალი იქნება, სცენარს კი დევიდ მეგი დაწერს. ფილმში გამოყენებული იქნება 1989 წელს გამოსული ორიგინალი ანიმაციის სიმღერები და ასევე კომპოზიციები, რომლისთვისაც მუსიკას ალან მენკენი დაწერს, ტექსტს კი ლინ-მანუელ მირანდა. ფილმის გადაღებები 2020 წლის პირველ თვეებში დაიწყება.