წიგნის კითხვის დროს, ალბათ, ყველა მკითხველს ერთხელ მაინც უოცნებია, რომ იმ ადგილას აღმოჩენილიყო, სადაც კონკრეტული ნაწარმოების სიუჟეტი ვითარდება: იქნება ეს კაფე, რომელშიც წიგნის გმირი სადილობდა თუ სახლი, რომელშიც ის ცხოვრობდა.

ერთი შეხედვით მხატვრულ ნაწარმოებში აღწერილი ადგილები შეიძლება მხოლოდ ფანტაზიის ნაყოფი გეგონოს და იქ სტუმრობაზე ფიქრს საკუთარ წარმოსახვაში თუ გაბედავ. თუმცა, ყოველთვის ასე არ ხდება: ახლა სწორედ იმ ადგილებს გაგაცნობთ, რომელთა მონახულებაც მარტივად შეგიძლიათ, თუ მოგზაურობისას მათ დანიშნულების ადგილებს შორის მოინიშნავთ.

1. ფერნანდესის სახელობის პარკი, კოლუმბიის ქალაქი კარტახენა.

ვისაც გაბრიელ გარსია მარკესი უყვარს, ყველას კარგად მოეხსენება, რომ მისი წიგნების უმეტესობა მაგიური რეალიზმის ჟანრშია მოთხრობილი. მათ შორის ერთ-ერთია სიყვარული ჟამიანობის დროს, რომელშიც მნიშვნელოვანი ადგილი უჭირავს ქალაქ კარტახენას ულამაზეს პარკს და თუ იქაურობას ესტუმრებით, აუცილებლად შეძლებთ მარკესის მაგიურ სამყაროში ფიზიკურად იმოგზაუროთ.

2. ტბორი ნიუ-იორკის ცენტრალ-პარკში, აშშ.

გახსოვთ ჰოლდენ კოლფილდის აკვიატება იხვების ბედის შესახებ? თუმცა, როგორ შეიძლება დაივიწყო ის ფაქტი, თუ როგორ არ ასვენებს ამ ერთ-ერთ ყველაზე ცნობილ ლიტერატურულ გმირს კითხვა იმის შესახებ, თუ სად მიდიან იხვები ცენტრალ-პარკიდან, როცა ტბა იყინება. ჰოდა, თავადვე შეგიძლია ეწვიოთ ამ ადგილს და გაარკვიოთ, თუ მართლაც სად მიფრინავენ იხვები ზამთარში.

3. ჩიკაგოს მატარებლის სადგური, აშშ.

ფრენსის სკოტ ფიცჯერალდს თავის საკულტო წიგნში დიდი გეტსბი მნიშვნელოვანი ადგილი აქვს დათმობილი მანჰეტენისა თუ ლონგ-აილენდის აღწერისთვის და ამასთანავე ახსენებს ჩიკაგოს მატარებლის სადგურს, რომელსაც გეტსბი, დეიზი თუ ტომი ხშირად იყენებდნენ. თქვენ კიდევ შესაძლობლობა გაქვთ, სწორედ იმავე ტრანსპორტით იმგზავროთ, რომლითაც ეს ლეგენდარული პერსონაჟები სარგებლობდნენ.

4. რესტორანი Sobrino de Botin ქალაქ მადრიდში, ესპანეთი.

ერნესტ ჰემინგუეის გმირი რომანიდან აღმოხდების მზე (ფიესტა) სწორედ ამ რესტორანში შეექცევა ღორის ხორცის გემრიელ ნაჭრებს და თქვენ ამ წიგნის დაწერიდან ამდენი ხნის შემდეგაც კი შეგიძლიათ ესტუმროთ იქაურობას და მშვიდად მიირთვათ იგივე კერძი ნამდვილ ესპანურ ღვინოსთან ერთად.

5. კინგს ქროსის სადგური ლონდონში, ინგლისი.

ჰარი პოტერის ნებისმიერმა მოყვარულმა იცის, რომ ჯადოქრები მაგლების სამყაროდან ჰოგვორტსისკენ კინგ ქროსის სადგურიდან მიემგზავრებიან: პლარტფორმა 9 ¾ მათი საიდუმლო პორტალია. ამ ჯადოსნური ადგილის მონახულება ნებისმიერ მსურველს შეუძლია ლონდონში მოგზაურობისას და ვინ იცის, იქნებ ბედმაც გაგიღიმოთ და ყველასგან მოულოდნელად მეორე მხარესაც აღმოჩნდეთ.

გაინტერესებს, სად უნდა იპოვო ყველაზე იაფი ავიაბილეთები? Aviabiletebi.org სწორედ ამისთვის შექმნილი პლატფორმაა. მისი აპლიკაცია, რომელიც ხელმისაწვდომია როგორც ანდროიდის, ისე iOS სისტემისთვის საშუალებას გაძლევთ, ბილეთების გარდა, ერთ სივრცეში მოძებნოთ სასტუმროებიც, ჰოსტელებიც და Airbnb-ის ბინებიც.