"გაცნობებთ, რომ ცხოველთა მონიტორინგის სააგენტო ახორციელებს მუნიციპალურ თავშესაფარში გადაყვანილი სახედარის (ჩოჩორი) აუქციონის ფორმით რეალიზაციას", — ეწერა ცხოველთა მონიტორინგის სააგენტოს ოფიციალურ ფეისბუქზე.

გასაყიდი ხვადი ცხოველის საწყისი ფასი, რომელიც 5-6 თვისაა და წითური შეფერილობა აქვს, 70 ლარი იყო.

აუქციონი, რომელიც დღეს, 4 ნოემბერს, 16:00 საათზე დასრულდა, საკმაოდ კონკურენტულ პირობებში ჩატარდა — საიტზე ფასის ისტორიაში 161 ბიჯია დადებული. საბოლოოდ ჩოჩორი 633,5 ლარად გაიყიდა

ნეტავ თვითონ ჩოჩორმა თუ იცის, რამდენი იბრძოლა მისთვის ახალმა პატრონმა?!