20 ოქტომბერს, თბილისში, დედაენის ბაღის ტერიტორიაზე Tbilisi CannaExpo 2019 ჩატარდება, სადაც დამთვალიერებლებისთვის წარმოდგენილი იქნება კანაფთან დაკავშირებული პროდუქტები.

ღონისძიების ორგანიზატორების თქმით ეს საკმაოდ მრავალფეროვანი გამოფენა იქნება — გროუ ტენტები, განათებები, სასუქები, CBD ზეთები, მოსაწევი აქსესუარები და ეს ყველაფერი არ არის, რასაც იქ იხილავთ.

ღონისძიება, რომლის წარმომადგენლებიც გირჩთან ერთად Seed Edri, Masra • მასრა, GrowGrow, Seedonia • სიდონია და სხვა კომპანიები არიან, 12:00 საათზე დაიწყება და საღამოს 20:00 საათამდე გასტანს.

აღსანიშნავია, რომ Tbilisi CannaExpo თბილისში პირველად გაიმართება და დასწრება ნებისმიერი მსურველისთვის სრულიად თავისუფალი იქნება.

მართალია, გამოფენილი ნივთები სრულიად ლეგალურია და კანონთან შესაბამისობაში მოდის, თუმცა, აქვე შეგახსენებთ 30 ნოემბერს პარლამენტის მიერ მიღებულ კანონს მარიხუანას მოხმარების კონტროლის შესახებ.

ამავე თემაზე: