ელისი საოცრებათა ქვეყანაში და მალეფისენტის შემქმნელებმა გადაწყვიტეს მაყურებლები კიდევ ერთ ზღაპრულ სამყაროში ამოგზაურონ.

Dolittle - ასე ჰქვია ფილმს, რომელსაც ცნობილი ინგლისელი მწერლის, ჰიუ ლოფტინგის ამავე სახელწოდების მქონე წიგნის მიხედვით იღებენ. ფილმში მთავარ როლს ბოლო წლების ერთ-ერთი ყველაზე ცნობილი და მაღალანაზღაურებადი მსახიობი, რობერტ დაუნი უმცროსი ასრულებს.

მართალია, სულ რაღაც რამდენიმე თვის წინ გამოვიტირეთ ტონი სტარკი Avengers: Endgame-ში, მაგრამ, როგორც ჩანს, რობერტ დაუნი უმცროსი გაჩერებას არ აპირებს და კვლავ თავისი სამსახიობო ოსტატობით კიდევ ერთ საიტერესო გმირს ასხამს ხორცს.

ფილმში ასევე მონაწილეობს ანტონიო ბანდერასი, ხოლო სხვადასხვა გმირებს ახმოვანებენ ემა ტომპსონი, რემი მალეკი, მარიონ კოტიარი და სხვა ცნობილი ვარსკვლავები.

ფილმის პრემიერა 2020 წლის 17 იანვარსაა დაგეგმილი.