მსახიობი სტივენ სიგალი, გასული წლიდან მოყოლებული არაერთხელ დაადანაშულეს სექსუალურ შევიწროებაში. ბრალმდებელთა შორის იყვო მსახიობები ჯულიანა მარგულისი და ტელეწამყვან ელენ დეჯენერესის პარტნიორი პარშა დე როსი.

სიგალს ამ დრომდე ამ თემაზე კომენტარი არ გაუკეთესია, ერთ-ერთი სატელევიზიო ინტერვიუს დროს კი წამყვანის კითხვამ გააღიზიანა და გადაცემა დატოვა.

მარგულისისა და დე როსის გარდა, სიგალი სექსუალურ შევიწროებაში დაადანაშაულა მსახიობებმა რეი დონ ჩონგმა და ჟურნალისტმა ლიზა გერერომ.

რაც შეეხება სიგალს, მსახიობს რუსეთის ფედერაციის ერთ-ერთი ოლქის გუბერნატორობა სურს.

ვლადივოსტოკის საერთაშორისო კინოფესტივალის ფარგლებში მაყურებლებთან შეხვედრისას, კითხვაზე, აპირებს თუ არა ის აქტიურად ჩერთოს პოლიტიკაში და ზოგადად, სურს თუ არა მას გუბერნატორობა, მსახიობმა თქვა, რომ სიამოვნებით იქნებოდა პრიმორიეს მხარის გუბერნატორი.

შეგახსენებთ, რომ 2016 წლის ნოემბერში რუსეთის პრეზიდენტმა ვლადიმერ პუტინმა მსახიობ სტივენ სიგალს კრემლში უმასპინძლა და რუსეთის მოქალაქეობის დამადასტურებელი პასპორტი გადასცა. სწორედ ამის გამო სიგალს უკრაინაში შესვლა აეკრძალა.