სერიალ Big Bang Theory-ის ვარსკვლავი კელი კუოკო სულ მალე DC-ის სამყაროს ერთ-ერთი თვალსაჩინო წარმომადგენლის, ჰარლი ქუინის ამპლუას მოირგებს.

მსახიობი ახალ ანიმაციურ სერიალში სწორედ კომიქსების სამყაროს ერთ-ერთ ყველაზე პოპულარულ უარყოფით პერსონაჟს გაახმოვანებს.

პრომო ვიდეოში, რომელიც DC Universe-მა გაავრცელა, ვხედავთ რომ ჰარლი ქუინი ციხეში დოქტორ პამელა აილისთან, იგივე შხამიან სუროსთან ერთად ზის.

ამ ეტაპზე ანიმაციის პრემიერის თარიღი უცნობია.

აქვე შეგახსენებთ იმასაც, რომ DC ჰარლი ქუინზე დამოუკიდებელ ფილმსაც იღებს, რომელშიც მთავარ როლს მარგო რობი ასრულებს.