ტეილორ სვიფტი 2018 წლის ამერიკული მუსიკის დაჯილდოებას (AMAs) გახსნის. ამის შესახებ ამერიკის მაცხოვრებლებმა ABC-ის Good Morning America-ს ეთერიდან შეიტყვეს.

მუსიკოსმა რამდენიმე წუთის წინ ინსტაგრამზე ვიდეოც გამოაქვეყნა.

ვიდეოში ტეილორი თავის ერთ-ერთ კატასთან, მერედიტთან ერთად ჩანს, რომელსაც ეს სახელი გრეის ანატომიის მთავარი პერსონაჟის პატივსაცემად ჰქვია. როგორც ჩანს, ის ამ ამბით დიდად დაინტერესებული არაა და სავარძლიდან მანამ ჩადის, სანამ ტეილორი თავისი მსმენელისთვის ამ ძალიან სასიხარულო ინფორმაციის ჩაწერადაასრულებს.

"ამერიკული მუსიკის დაჯილდოებას I Did Something Bad-ის შესრულებით გავხსნი. მერედიტი ამ ამბით არც ისე აღტაცებულია, თუმცა მე — ვარ".

თითქმის ბოლო სამი წლის განმავლობაში ტეილორ სვიფტი დაჯილდოებაზე შესრულებით პირველად გამოდის. სიმღერა I Did Something Bad მუსიკოსის მეექვსე სტუდიურ ალბომში Reputation შედის. შემსრულებლებს შორის ასევე არიან ედ შირანი, დრეიკი, Imagine Dragons და Post Malone.

დაჯილდოება 9 ოქტომბერს ლოს-ანჯელესში, მაიკროსოფტის თეატრში გაიმართება. AMAs-ზე გამარჯვებული ის ხდება, ვინც ფანების მხარდაჭერით ყველაზე მეტ ხმას დააგროვებს. ნომინაციებში ჰიპ-ჰოპის შემსრულებლები, დრეიკი და კარდი ბი ლიდერობენ. ორივე მათგანს 8-8 ნომინაცია აქვს. ედ შირანს და მალონეს 6-6 ნომინაცია აქვთ, კამილა კაბელოს კი — 5.

დაჯილდოების ცერემონია ამერიკულ ტელეარხ ABC-ზე პირდაპირ ეთერში გავა.