საყვარელი ცხოველები ყველას უყვარს, თუმცა მათ შორის ცოტა ახერხებს, რომ პოპულარული გახდეს და მისი ფოტოები ან ვიდეოები მთელს ინტერნეტს ვირუსივით მოედოს.

სწორედ მათ შორისაა დღევანდელი ჩვენი სტატიის გმირიც, რომელსაც მოფერებით "თავაზიანი ხვლიკი" შეგიძლიათ დაუძახოთ.

საქმე ის არის, რომ ტვიტერის ერთ-ერთმა მომხმარებელმა, საკუთარ გვერდზე ატვირთა ვიდეო, სადაც პატარა საყვარელი ხვლიკი, ძალიან თავაზიანად იღიმის და სავარაუდოდ მზრუნველი პატრონისგან საკვების დამსახურებულ ულუფასაც ელოდება.

ვიდეომ მალევე მიიქცია ადამიანების ყურადღება და მომღიმარი ხვლიკი ინტერნეტის ნამდვილი ვარსკვლავი გახდა.

"როცა ჩემს შეყვარებულს შია, ზუსტად ასე მიყურებს ხოლმე", "როდესაც ბავშვს უნდა, რომ ტელეფონი ათხოვო", "აი როგორი სახე მაქვს, როდესაც მამაჩემს რაღაც მინდა ვთხოვო", - წერენ ტვიტერის მომხმარებლები ვიდეოს გაზიარებისას.