ოსკარის მფლობელმა მსახიობმა, რობერტ რედფორდმა რამდენიმე თვის წინ თქვა, რომ მსახიობობით დაიღალა და კინოდან წასვლის გადაწყვეტილება მიიღო.

81 წლის მსახიობის თქმით, The Old Man & The Gun მისი ბოლო კინოროლი იქნებოდა.

"არასოდეს უნდა თქვა არასოდეს, მაგრამ ახლა დარწმუნებული ვარ რომ კინოში თამაშით დავიღალე. მას შემდეგ, რაც 21 წლის გავხდი, მუდმივად ვჩანვარ ეკრანზე და არასდროს დამისვენია. 60-წლიანი კარიერის მანძილზე გამუდმებით გადაღებებზე ვიყავი, ახლა კი დროა დავისვენო", - ამბობობდა რედფორდი ჯერ კიდევ ერთი თვის წინ.

თუმცა, როგორც აღმოჩნდა, ოსკაროსანმა რედფორდმა, გადაწყვეტილება შეცვალა და კინოდან წასვლა გადაიფიქრა.

"ვფიქრობ, დიდი შეცდომა იყო როდესაც ვთქვი, რომ ეს ჩემი ბოლო როლი იქნებოდა. ამ საქმეს ვერ შევეშვები", - ამბობს რედფორდი.

The Old Man & The Gun ეკრანებზე 28 სექტემბერს გამოვა, ფესტივალებზე გამართულ ჩვენებებზე კი კინოსურათმა დადებითი შეფასებები მიითო.