ოსკარის ნომინანტი ამერიკელი მსახიობი, ბერტ რეინოლდსი გარდაიცვალა. ინფორმაცია ამის შესახებ ოჯახის წევრებმა და მსახიობის აგენტმა დაადასტურეს.

გარდაცვალების მიზეზი გულის შეტევა გახდა.

რეინოლდსმა პოპულარობის პიკს 1970-1980-იან წლებში მიაღწია, როდესაც მონაწილეობა მიიღო ფილმებში Deliverance და Smokey and the Bandit.

1998 წელს ნომინირებული იყო ოსკარზე ფილმში Boogie Nights შესრულებული როლისთვის.

მსახიობი დამტკიცებული იყო ერთ-ერთ როლზე კვენტინ ტარანტინოს ახალ ფილმში, ერთხელ ჰოლივუდში, თუმცა უცნობია მოასწრო თუ არა რეჟისორმა რეინოლდსის სცენების გადაღება.