ემი შუმერის სახელის გაგონებისას, პირველი რაც გვახსენდება მისი იუმორია. ჰოლივუდის ვარსკვლავი ყოველთვის ახერხებს ნებისმიერ, მისთვის ძალიან სენსიტიურ თემასაც კი იუმორით მიუდგეს და ყველა კრიტიკასა შესაბამისი პასუხი გასცეს.

მსახიობი არასდროს ერიდება საჯაროდ საკუთარი ემოციების გამოხატვას, ამაყობს საკუთარი გარეგნობით და ზუსტად იგივეს უმეორებს სხვებსაც - გვიყვარდეს საკუთარი თავი ისეთი, როგორებიც ვართ.

ამის ნათელი მაგალითია მისი ერთ-ერთი ფანის ფოტოზე დატოვებული კომენტარიც.

ცოტა ხნის წინ ინტერნეტში შუმერის ფოტოები გავრცელდა, სადაც მსახიობი სანაპიროზე სეირნობს.

თუმცა, როგორც აღმოჩნდა მისი სხეული ბევრს არ მოეწონა და გასაკვირად, მათ შორის შუმერის ფანიც აღმოჩნდა, რომელმაც მსახიობი ტანი დააფოტოშოპა და თქვა, რომ გამხდარი ემი ბევრად უკეთესად გამოიყურება.

დამუშავებულმა ფოტომ შუმერამდეც მიაღწია და ფანს არაჩვეულებრივი პასუხიც გასცა.

"არ გეთანხმები, მომწონს ის თუ როგორ გამოვიყურები სინამდვილეში. ეს ჩემი სხეულია. მიყვარს ჩემი ტანი, რომელიც ძლიერი, ჯანმრთელი და სექსუალურია. შენი ფოტო კი საერთოდ არ მგავს მე", - დაუკომენტარა ჰოლივუდის ვარსკვლავმა.