ჰარვი ვაინშტაინი ათწლეულების განმავლობაში ჰოლივუდის გავლენიანი პროდიუსერი იყო, თუმცა მისი კარიერა იმ ქალებმა დაასრულეს, რომლებზეც ის წლების განმავლობაში ძალადობდა.

ხანგრძლივი დუმილის შემდეგ, ჰარვის ამბებს პირველად პირს მორგანი GQ-სთან ინტერვიუში გააჟღერებს. მორგანმა ჰარვის მოსაკითხად დაურეკა და მას ერთი საათის განმავლობაში ესაუბრა.

"ჰარვი არიზონაშია და სექსზე დამოკიდებულებისგან გათავისუფლებას ცდილობს, ის მკურნალობს და იბრძვის იმისთვის, რომ ცხოვრებას დაუბრუნდეს", - ამბობს პირსი.

პირს მორგანი, რომელიც ყოველთვის გამოირჩეოდა სექსისტური გამონათქვამებით, საკუთარ ამპლუას არც ამჯერად ღალატობს და ჰარვის გასამართლებლად უამრავი არგუმენტი მოჰყავს.

"ეს [სექსუალური შევიწროება] ჰოლივუდის სისტემის ბრალია. თქვენ გგონიათ ამ ისტორიაში მხოლოდ ის [ვაინშტაინი] არის უარყოფითი პერსონაჟი? საბოლოოდ, ჰარვის სჯერა, რომ მას აპატიებენ", - ჰყვება პირს მორგანი.

ვაინშტაინი 90-ზე მეტმა ქალმა დაადანაშაულა სექსუალურ შევიწროებასა და გაუპატიურებაში. მის საქმეს ლონდონისა და ლოს-ანჯელესის პოლიცია იძიებს.