ოსკარის მფლობელი მსახიობი ნატალი პორტმანი, რომელმაც ისრაელში, გენეზისის პრემია მიიღო, გადაწყვიტა, რომ ცერემონიას არ დაესწროს.

ნატალი პორტმანმა ეს გადაწყვეტილება პოლიტიკური მიზეზით ახსნა და როგორც მისი აგენტი ამბობს, ბოლო დროს ისრაელში განვითარებული მოვლენებიდან გამომდინარე, პორტმანი თავს არაკომფორტულად გრძნობს და არ სურს ისრაელს ეწვიოს.

ამის მიზეზი კი 30 მარტს, ღაზას სექტორში, 28 პალესტინელის მკვლელობაა.

ამ თემას ეხმაურება გენეზისის პრემიის ორგანიზატორებიც და ამბობენ, რომ პორტმანის გადაწყვეტილების გამო წუხილს გამოთქვამენ.

"ვშიშობთ, რომ ქალბატონი პორტმანის გადაწყვეტილება ჩვენს ფილანტროპულ მოღვაწეობას პოლიტიკურ ელფერს მისცემს, რისგან თავის არიდებასაც ბოლო რამდენიმე წლის განმვლობაში აქტიურად ვცდილობდით", - წერია მათ განცხადებაში.

გენეზისისდაჯილდოება მიზნად იმ ადამიანების წახალისებას ისახავს, ვინც ებრაელი ახალგაზრდებისთვის თავიანთი პროფესიული მიღწევებითა მაგალითს წარმოადგენენ, მათ შორის კი წელს ნატალი პორტმანი აღმოჩნდა, რომელსაც პრიზის სახით ერთი მილიონი დოლარიც გადაეცემოდა.