მთაწმინდის რაიონის სოციალურად დაუცველთა სასადილოს თანამშრომელი, გაყინულ ხორცპროდუქტს ასფალტზე დანარცხებით აცალკევებს.

ვიდეოში, რომელიც ფეისბუქ მომხმარაბელმა ტონი ბახტაძემ გაავრცელა, ჩანს რომ ხორცის ნაჭრები ტროტუარზე იყრება, თუმცა ის უკან პოლიეთილენის პარკში ათავსებს და ბოლოს სასადილოში შეაქვს.

On.ge დაუკავშირდა მთავწმინდის რაიონის გამგეობას, რომელმაც განაცხადა, რომ მათი კონტრაქტორი კომპანია ნილი პასუხისმგებელია ყველა იმ პროცესზე, რაც უფასო სასადილოში მიმდინარეობს, მათ შორის კვებაზე, თანამშრომლებზე, მათ ქცევაზე. გამგეობის პრესსამსახურის ცნობით, კომპანია, სავარაუდოდ, დაჯარიმდება:

"გამგეობა თბილისის მერიის აუდიტის სამსახურთან ერთად ერთობლივ ღონისძიებას განახორციელებს, რის შედეგადაც, სავარაუდოდ კომპანია ნილი დაჯარიმდება. აუდიტმა უნდა შეისწავლოს ვიდეო და ამის შემდეგ გაირკვევა ჯარიმის ოდენობა".