თბილისის მერი კახა კალაძე მთავრობის სხდომაზე სპორტის სასახლესთან მიმდებარე ტერიტორიაზე ხეების მოასფალტებას გამოეხმაურა და განაცხადა, რომ ასეთ კომპანიებთან ისინი ვერ ითანამშრომლებენ:

"მე არ ვიცი ეს კომპანიამ მიზანმიმართულად გააკეთა თუ შეცდომა მოუვიდა. თუ შეცდომით იყო სამწუხაროა, თუ მიზანმიმართულად ეს კიდევ უფრო უბედურებაა. ეს არის ხეების მოასფალტება, ეს რაღაც სიახლეა".

კალაძის აზრით, ხეების მოასფალტება მიზანმიმართულად გაკეთდა. მისი თქმით, ყველა კომპანიას უნდა მიეცეს გაფრთხილება, რათა მსგავსი შეცდომა აღარ განმეორდეს.

ფოტო: თბილისის მერია

რამდენიმე დღის ფეისბუკით გავრცელდა ფოტო, სადაც ასფალტის საფარი უშუალოდ ხეების ირგვლივ იყო დაგებული. თბილისის მერიის განმარტებით, შეცდომა ტენდერში გამარჯვებულმა კომპანია ნიუ როუდ გრუპმა დაუშვა.

"მას მწვანე ნარგავების ასფალტის საფარისგან სასწრაფოდ გათავისუფლების მითითება მიეცა, რაც უმოკლეს ვადებში შესრულდა. აღნიშნულ პროცესში ხეები - როგორც შტამბები, ასევე ფესვები არ დაზიანებულა", - ნათქვამია განცხადებაში.

მერიის თქმით, კოსტავას ქუჩის მიმდებარედ პარკინგის "ჯიბის" მოწყობა ქვეითთა უსაფრთხოების უზრუნველყოფის მიზნით გადაწყდა.