ქართველი მუსიკოსი, მომღერალი, მწერალი, მხატვარი და მსახიობი მანანა მენაბდე 77 წლის ასაკში გარდაიცვალა.

მანანა მენაბდე 1948 წელს მომღერლების — დები იშხნელების ოჯახში დაიბადა. ის კარიერის დასაწყისში კონცერტებით მოგზაურობდა ორკესტრ "რეროსთან" ერთად. შემდეგ, მოსკოვში გაემგზავრა, სადაც რუსეთის თეატრალური ხელოვნების აკადემიაში სწავლობდა.

მისი მუსიკალური ნაწარმოებები პირველად ქართველი რეჟისორის, ლანა ღოღობერიძის ფილმში "დღეს ღამე უთენებია" აჟღერდა, სადაც მანანა მენაბდე თვითონვე მღეროდა საკუთარ სიმღერებს და ერთ-ერთ მთავარ როლს ასრულებდა.

1991 წლიდან მანანა მენაბდე ბერლინში ცხოვრობდა. მუსიკის გარდა, ის წერდა პროზაულ და პოეტურ ნაწარმოებებს, ხატავს და კერამიკულ ნაკეთობებს ამზადებდა, თანამშრომლობდა ქართულ ფოლკლორულ ჯაზ კოლექტივთან "შინ". ამას გარდა, მანანა მენაბდემ ნიკა მაჩაიძესა და გოგი ძოძუაშვილთან ერთად ჩაწერა ალბომი Sami, რომელშიც მომღერლის რეპერტუარი თრიფ ჰოპის სტილის არანჟირებითაა წარმოდგენილი.

მანანა მენაბდე მონაწილეობა აქვს მიღებული ნანა ხატისკაცისა და თენგიზ მაღალაშვილის ფილმში "არსენას ლექსი", ასევე ნანა ხატისკაცის ფილმში "სიბრძნე სიცრუისა".