მარჯანიშვილის თეატრთან მილი გასკდა და წყლის ჭავლი თეატრის შენობის ფასადს ესხმება.

NEWS.On.ge-ს მერიაში უთხრეს, რომ წყლის მილი გასკდა და არა კანალიზაციის და GWP-სთან გადაგვამისამართეს. კომპანიის წარმომადგენელმა გვითხრა, რომ ნამდვილად წყლის მილია დაზიანებული.

GWP-ს მიერ გავრცელებულ განცხადებაში ვკითხულობთ, რომ კომპანიის ტექნიკური ჯგუფი ადგილზეა მობილიზებული, წყლის დინების შესაჩერებლად დაიკეტა ჩამკეტ-მარეგულირებელი ურდული, რის შემდეგაც დაიწყება მილის დაზიანებულ მონაკვეთზე აღდგენითი სამუშაოები.

"დღეს, 15 აპრილს, ჩუღურეთის რაიონში, მარჯანიშვილის ქუჩა N8-ის მიმდებარედ ჯორჯიან უოთერ ენდ ფაუერის წყალსადენი ქსელი ავარიულად დაზიანდა.

კომპანიის ტექნიკური ჯგუფი ადგილზეა მობილიზებული, წყლის დინების შესაჩერებლად დაიკეტა ჩამკეტ-მარეგულირებელი ურდული, რის შემდეგაც დაიწყება მილის დაზიანებულ მონაკვეთზე აღდგენითი სამუშაოები.

აღნიშნულთან დაკავშირებით დღეს, 15 აპრილის საღამოს 21:00 საათამდე წყალმომარაგება შეზღუდული ექნება:

მარჯანიშვილის ქN 1-27, 2, 4, 6, 16, 18. უშანგი ჩხეიძის N17-N36, სანაპიროს ქ. N6, N8, N10 და კოსტავას1-ელ შესახვევს და მედია მზია ჯუღელის ქუჩებს.

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის", — ნათქვამია გავრცელებულ იფორმაციაში.