უკრაინული მედიის ინფორმაციით, უკრაინამ და დიდმა ბრიტანეთმა ისტორიულ შეთანხმებას 100-წლიანი პარტნიორობის შესახებ ხელი მოაწერეს.

გავრცელებული ინფორმაციით, შეთანხმება მომავალი თაობების პარტნიორობის გაძლიერების და უსაფრთხოების კავშირების გაღრმავების მიზნით გაფორმდა.

ბალტიის, შავი და აზოვის ზღვების უსაფრთხოების გაძლიერებისა და მიმდინარე რუსული აგრესიის შეკავების მიზნით, ხელშეკრულება ითვალისწინებს საზღვაო უსაფრთხოების სფეროში, ახალი სტრუქტურის მეშვეობით სამხედრო თანამშრომლობის გაძლიერებასაც.

შეთანხმება უკრაინისა და დიდი ბრიტანეთის პრიორიტეტული პარტნიორის სტატუსს ენერგეტიკის სექტორში კრიტიკულად მნიშვნელოვანი მინერალების მოპოვებისა და ეკოლოგიურად სუფთა ფოლადის წარმოების სტრატეგიაში უზრუნველყოფს.