UEFA-მ ალბანეთის ფეხბურთის ფედერაცია დააჯარიმა. 41250 ევროს ოდენობის ჯარიმა სხვადასხვა დარღვევის სანქციის კომბინირებული რიცხვია. ალბანელმა ფანებმა პრობლემები შექმნეს როგორც საქართველოსთან, ისე უკრაინასთან მატჩებში.

უშუალოდ საქართველოს ჰიმნის მიმდინარეობისას სტვენისთვის, ალბანელები 12500 ევროთი დაჯარიმდნენ. სტადიონის ტრიბუნებზე არეულობის შექმნისა და გადაადგილების შეფერხებისთვის, დამატებით 18000 ევროს გადახდა მოუწევთ, მოედანზე ნივთების სროლისთვის 4750 ევროს, ხოლო მოედნის ნაწილის დაკავებისათვის 6000 ევროს — ჯამურად ჯარიმამ 41250 ევრო შეადგინა.