გიორგი კალანდია: უზომოდ მადლიერი ვარ თქვენი ღვაწლის

26 Sep. 2024, 11:19

"ნამდვილად ვიცოდი რომ ეს მომენტი დადგებოდა, თუმცა არა ჩემთვის, არა თქვენთვის, არამედ ქართული კულტურისათვის მინდოდა ეს რაც შეიძლება გვიან ყოფილიყო... ერთი დღე არ ეყოფა იმის ჩამოთვლას რაც ამ მოკლე პერიოდში მოასწარით, სიტყვა მოსწრების საილუსტრაციოდ კი მხოლოდ ერთ მაგალითს დავასახელებ: დღეს ლიბანი იბომბება, ქვეყანა ომის ცეცხლშია გახვეული, ჩვენ კი სწორედ თქვენი გამჭრიახობის წყალობით ერთ-ერთი ლიბანური მონასტრიდან რამდენიმე უნიკალური, აქამდე უცნობი ქართული ხელნაწერის ციფრული ასლის გამოტანა და ეროვნული მეცნიერებისათვის შენარჩუნება მოვასწარით... რამდენი მკვდარი წერტილი გაცოცხლდა, რამდენი ყინული გალღვა და რამდენი ჭაობი დაშრა სფეროში ამას ისტორია, უფრო სწორად უახლოესი მომავალი შეაფასებს.... უზომოდ მადლიერი ვარ თქვენი ღვაწლის.. ამ მადლიერების გამოთქმა კი აქამდე რთული იყო, რადგან მას მავანი ქათინაურად ჩამითვლიდა.... თანამდებობის ტვირთისგან თავისუფლისთვის კი გაცილებით ადვილი და საამაყოა მადლობის თქმა... იშვიათად მყოლია თქვენისთანა ხელმძღვანელი, თქვენისთანა გულწრფელი, ღირსეული, პატრიოტი და საქმეს შეწირული ადამიანი, სწორედ ეს თავდადება და უშიშრობა გვმუხტავდა, გვაძლიერებდა... არასოდეს დამავიწყდება თქვენი მზრუნველობა და ღვაწლი... ყოველთვის ამაყად ვიტყვი, რომ დიდი პატივი იყო თქვენს გვერდით ყოფნა და საქმის კეთება... საგანგებოდ არ ვყვები თქვენს აუწონავ წვლილს ხელოვნების თუ ზუგდიდის დადიანების სასახლეების, ზოგადად სამუზეუმო სფეროს წინაშე, ესეც ისტორიისა და მომავლის შეფასების საქმეა... წინ თქვენთვის ჩვეული საინტერესო და სიახლეებით დატვირთული პერიოდი იწყება, ბედნიერებას გისურვებთ! რა თქმა უნდა არ გემშვიდობებით! უბრალოდ მადლობას გეუბნებით!"

ბოლო ამბები:

გიორგი კალანდია გიორგი კალანდია: უზომოდ მადლიერი ვარ თქვენი ღვაწლის

კომენტარები

კვირის ტოპ-5

გირჩევთ

ახლა კითხულობენ