რა ხდება: რამდენიმე წუთის წინ, სახელმწიფო დეპარტამენტის მაღალჩინოსნის, ჯეიმს ო'ბრაიენის ავტომობილი ქართული ოცნების სათავო ოფისში შევიდა.

  • ინფორმაციას ტვ პირველი ავრცელებს.

დეტალები: მათი ცნობით, ო'ბრაიენი პირისპირ შეხვედრას გამართავს პარლამენტის თავმჯდომარესთან, შალვა პაპუაშვილთან.

  • გუშინ პრემიერ-მინისტრმა თქვა, რომ ამერიკელ მაღალჩინოსანს სურდა შეხვედრა ბიძინა ივანიშვილთანაც, თუმცა ივანიშვილმა ამაზე უარი თქვა.
  • უცნობია, იმყოფება თუ არა ახლა ქართული ოცნების საპატიო თავმჯდომარე პარტიის სათავო ოფისში.

ოცნების ოფისში, ევროპისა და ევრაზიის საკითხებში აშშ-ის სახელმწიფო მდივნის თანაშემწე, პრეზიდენტთან შეხვედრის შემდეგ მივიდა.

  • დღის ბოლოს, ამერიკელი მაღალჩინოსანი მედიისთვის ბრიფინგს გამართავს და, სავარაუდოდ, მისი ვიზიტის შესახებ უფრო მეტი დეტალი გახდება ცნობილი.

ასევე, ნახეთ: ო'ბრაიენთან შეხვედრის შემდეგ ბოკუჩავა ამბობს, რომ აშშ განიხილავს დაასანქციროს ივანიშვილი, მისი გარემოცვა და რუსული კანონის მხარდამჭერი დეპუტატები