დეტალები: აშშ-ის შეიარაღებული ძალების ცენტრალური სარდლობის განცხადებით, ირანის მიერ მხარდაჭერილმა დაჯგუფებამ იერიში მიიტანა ალ-ასადის ბაზაზე, სადაც ამერიკელი ჯარისკაცები იმყოფებიან.

  • მათივე ინფორმაციით, აშშ-ის სამხედრო ძალებმა რაკეტების დიდი ნაწილი ჩამოაგდეს, თუმცა ზოგიერთმა მათგანმა მაინც მიაღწია ბაზას.
  • არსებული ინფორმაციით, დაღუპულია, სულ მცირე, ერთი ერაყელი სამხედრო.
  • ამერიკელი პერსონალის ნაწილი კი სამედიცინო შემოწმებას გადის.
  • შემთხვევა 20 იანვარს მოხდა.

კონტექსტი: ახლო აღმოსავლეთში, მზარდი დაძაბულობის ფონზე, ხშირია თავდასხმები.

  • ისრაელი ღაზაში ებრძვის პალესტინურ ჰამასს.
  • ცეცხლს ხშირად უხსნიან ერთმანეთს ისრაელი და ლიბანური ჰეზბოლა.
  • ირანის მიერ მხარდაჭერილი ჯგუფები ერაყსა და სირიაში ამერიკის შეიარაღებული ძალების ობიექტებს ესხმიან თავს, დასავლეთის ქვეყნები ცდილობენ, ასევე ირანის მიერ მხარდაჭერილი იემენელი ჰუსიტების თავდასხმები მოიგერიონ წითელ ზღვაში, კომერციულ გემებზე.

ნახეთ ასევე: პაკისტანმა ირანის ტერიტორიაზე საპასუხო დარტყმა განახორციელა — არის მსხვერპლი, მათ შორის, ქალები და ბავშვები

ირანმა პაკისტანის ტერიტორიაზე "სამიზნეები დაბომბა"