რა ხდება: უკრაინის შეიარაღებულმა ძალებმა გაანადგურა დიდი სადესანტო ხომალდი.

  • ამის შესახებ უკრაინის საჰაერო ძალები აცხადებს.

დეტალები: ღამით გავრცელდა ინფორმაცია ძლიერი აფეთქების შესახებ ოკუპირებულ ყირიმში.

  • ადგილობრივები სოციალურ ქსელებში წერდნენ, რომ პორტის ტერიტორიაზე ძლიერი აფეთქება და ხაძარი იყო.
  • რუსმა ოკუპანტებმა ყირიმის ხიდზე მოძრაობა გადაკეტეს.

მოგვიანებით, უკრაინამ განაცხადა, რომ საჰაერო ძალების ტაქტიკურმა ავიაციამ ფრთოსანი რაკეტებით შეუტია რუსეთის შავი ზღვის ფლოტის დიდ სადესანტო ხომალდს "ნოვოჩერკასკის", ფეოდოსიის რაიონში.

ინფორმაცია ნაწილობრივ დაადასტურა რუსეთმაც — მათ თქვეს, რომ გემი დაზიანდა და თავდასხმას ერთი ადამიანის სიცოცხლეც ემსხვერპლა.

ვითარება უკრაინაში: 25 დეკემბრის 18:30 საათიდან 26 დეკემბრის 03:00 საათამდე ოკუპანტები უკრაინას შაჰედის ტიპის დრონებით უტევდნენ.

თავდაცვის ძალების ინფორმაციით, გაანადგურეს 13 შაჰედ-136/131-ის ტიპის დრონი ოდესის, ხერსონის, მიკოლაივისა და ხმელნიცკის რაიონებში.