რატომ არის მნიშვნელოვანი: საოკუპაციო რეჟიმი როგორც აფხაზეთის, ისე ცხინვალის რეგიონის მიმდებარედ საქართველოს მოქალაქეებს იტაცებს ან უკანონოდ აპატიმრებს.

  • ოკუპირებული რეგიონების ციხეებში ხშირად ირღვევა ადამიანის უფლებები.
  • სუს-ის ცნობით, საქართველოს მოქალაქე ლაშა ხეთერელი საოკუპაციო ძალებმა უკანონოდ ოკუპირებულ სოფელ დისევთან დააკავეს.

დეტალები: უწყების ინფორმაციით, გააქტიურეს ევროკავშირის სადამკვირვებლო მისიის მიერ ოპერირებული ცხელი ხაზი.

  • ასევე, დაუყოვნებლივ ეცნობა საერთაშორისო პარტნიორებს და ჟენევის საერთაშორისო დისკუსიების თანათავმჯდომარეებს.
  • "ამოქმედებულია ყველა არსებული მექანიზმი უკანონოდ დაკავებული საქართელოს მოქალაქის უმოკლეს დროში გასათავისუფლებლად".
  • სუს ოკუპირებულ ტერიტორიებზე, ასევე, საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობას საოკუპაციო ძალებს აკისრებს.